اشحن معانا...عرض جديد من عروض أمل الإسلام

#1 11-08-2008, 06:45 PM

اخواتى فى الله
ازيكم عاملين إيه ؟ إن شاء الله تكونوا دائما بالخير
ياللا تعالوا معانا فى عرض جديد من عروضنا !!!!
هتقولوا إيه ... هنشرتى حاجة ؟ و عليها هدية ؟
طب هنشحن بكارت نلاقى الشحن أضعاف مضاعفة ؟
هو انتم كده قربتم إحنا فعلا هنشحن بس يا ترى تفتكروا هنشحن إيه ؟
عارفين هنشحن إيه هنشحن قلوبنا .... أيوة صدقونى هنشحن قلوبنا
طب إزاى ؟

كلنا اخوات هنا صح ... محدش فينا بيكون في فترة محتاج حد معاه يعينه على الطاعة و حب الله و الصبر على ممارسة العبادات عشان يوصل لحب حبيبى

أو إنه بيحاول فعلا بس لوحده و ممكن إنه فى أى لحظة يبعد أو يضعف

مين فينا ممرتش عليه لحظات بيعاتب فيها نفسه و قلبه على غفلتهم و بعدهم عن حبيبهم و هما عارفين أد إيه حلاوة اللقاء به

عارفين يعنى إيه متعة القرب منه و الإحساس بحبه بيملأ مش بس قلبك لأ كيانك كله ... عارفين الإحساس ده إحساس الحبيب إللي المشتاق لرفقة حبيبه

و دموع قلبه بتسبق دموع عنيه

و لذة اللقاء و النعيم بالشعور بمدى القرب و الحب

و إنك دايما حاسس بسعادة و رضا و صفاء نفس

كل دى أحاسيس جميلة ممكن نعشها و نوصل لها
بس هيحصل ده إزاى ؟
إحنا خلاص رمضان داخل على الأبواب و إيه رأيكم لو كل واحد فينا شد حد معاه .... مش فاهمنى صح ؟
يعنى كل واحد فينا يختار معاه حد يشاركوا بعض فى: صلاة السنة و صيام اثنين و خميس، متابعة الأذكار ، قراءة قرآن كل يوم ، قيام الليل
و لكم حرية الاختيار عايز تختار حد من المنتدى و تتابع معاه يا ريت و يكون جميل جداا ، تختار حد أنت تعرفه نفسك تصلح منه و تاخد بإيده يا سلام ده أجمل و أحلى
عشان كده هقول لكم على فكرة :
اختار حد من المنتدى و تابع معاه و حد من إللى أنت تعرفهم و بكده هتاخد ثواب أكتر
أحنا هدفنا من الموضوع ده إننا نقرب بقلوبنا كلنا لربنا و بجد نكون زى البناء الواحد

ياللا مين هيلحق العرض ؟ و مين هيكون مع مين ؟
انا عارفه إن الموضوع ده موجود فى منتديات تانية بأشكال و صيغ مختلفة و متنوعة
لكن الاختلاف إننا مش زى بقية المنتديات إحنا منتدانا منتدى كله خير بيت بيضم أسرة كل أفرادها اتجمعوا على الحب فى الله
عشان كده هنكون إن شاء الله كالبنيان المرصوص
فى انتظار أقوى أسرة بتحب بعضها فى الله تشارك فى عرض شحن القلوب لرمضان و خلال رمضان
و تقولى لى هتعملوا إيه و تتابعوا مع مين

ملحوظة مهمة جداا

عشان نكمل مع بعض بشكل جديد يا ريت ندخل هنا و هتعرفوا هنكمل إزاى
مش هنقف و هنفضل مع بعض و نشد بعض لحد ما نوصل للجنة إيدكم فى إدينا

و يكون شعارنا معا لنلتقى على باب الجنة

http://www.amalislam.com/vb/showpost-p_118241-postcount_116.html

اخواتى لا تنسونا من صالح دعائكم

#2 11-08-2008, 07:10 PM

انا اتمنى اشارك
بس من يكون معي؟؟؟؟؟؟؟؟؟؟؟؟؟؟؟

#3 11-08-2008, 08:15 PM

ساندي الله يجزيك خير على احلى موضوع
وان شاء الله الكل هنا بيدخل وبيبداء الشحن وجعله في موازين حسناتك

اقتباس:


	انا اتمنى اشارك بس من يكون معي؟؟؟؟؟؟؟؟؟؟؟؟؟؟؟

في قلبها تقول ’’انااااااااااااااااا’’خخخ

#4 11-08-2008, 08:19 PM

فكرة جميلة جدا يا ساندى---بس حنختار بعض ازاى ؟؟

#5 11-08-2008, 08:22 PM

جزاكي الله خير يا ساندي على هذة الفكرة الرائعة

#6 11-08-2008, 08:26 PM

اقتباس:

المشاركة الأصلية كتبت بواسطة نورالقلوب


	انا اتمنى اشارك بس من يكون معي؟؟؟؟؟؟؟؟؟؟؟؟؟؟؟

اختارى يا نور إللى انتى عايزاه
و إللى تقدرى تتواصلى معاه و تعينوا بعض على الخير

#7 11-08-2008, 08:28 PM

اقتباس:

المشاركة الأصلية كتبت بواسطة Ayme


	ساندي الله يجزيك خير على احلى موضوع وان شاء الله الكل هنا بيدخل وبيبداء الشحن وجعله في موازين حسناتك

جزانا و إياكم يا Ayme المهم الخير و إننا لما نعمل كده برغم بعد المسافة لكن هنحس بمدى قرب قلوبنا من بعض ياللا اختارى مين هيكون معاكى و لو إنى شكلى عرفت مين

#8 11-08-2008, 08:30 PM

اقتباس:

المشاركة الأصلية كتبت بواسطة sannoa


	فكرة جميلة جدا يا ساندى---بس حنختار بعض ازاى ؟؟

عارفه إن الموضوع مش سهل لكن اختارى زى ما تحبى و بختيارك ده هتتقربى من اختك الجديدة فى المنتدى

#9 11-08-2008, 08:31 PM

اقتباس:

المشاركة الأصلية كتبت بواسطة نفرتيتي


	جزاكي الله خير يا ساندي على هذة الفكرة الرائعة

جزانا و إياكم بس ياللا اختارى مين هيكون معاكى

#10 11-08-2008, 08:37 PM

ربنا يجزيكم خير على تفاعلكم مع الموضوع و الأهم من التفاعل التطبيق الفعلى
زى ما قلت لكم ممكن تختاروا من المنتدى و كمان معاكم حد تختاروه من إللى تعرفوهم سواء من العائلة أو الأقارب أو الأصدقاء
بالنسبة لشباب المنتدى يا ريت تنضموا انتم كمان معانا و تشوفوا هتختاروا مين من شباب المنتدى أو من أى حد تعرفوهم فى محيطكم و بكده نتجمع كلنا على طاعة ربنا و نكون أسرة واحدة فعلا